ONCE AGAIN RONALDO AMGALAGAZA MESSI.

Mshambuliaji nyota wa Ureno na Real Madrid, Cristiano Ronaldo, ametawazwa mshindi wa taji la mchezaji bora duniani, Ballon d’Or, kwa mara ya tatu kwenye dhifa ya kufana katika makao makuu ya shirikisho la kandanda duniani, Fifa, Jumatatu jijini Zurich. 

 

Gwiji huyo, 29, aliyeongoza Real Madrid kutwaa taji la kumi la Ligi ya Mabingwa wa Ulaya, alishinda asimu wake wa jadi na mshindi mara nne, Lionel Messi wa Barcelona na Argentina, na golikipa wa Ujerumani na Bayern Munich, Manuel Neuer aliyeshinda Kombe la Dunia kunyakua utukufu huo. 

 

Ronaldo alikuwa nyota wa sherehe hizo ambazo zilishuhudia mwenzake wa Real, James Rodriguez, akituzwa taji la bao bora zaidi la mwaka na kocha wa kikosi cha taifa cha mpira wa miguu cha wanaume wa Ujerumani, Joachim Leow, akiibuka mshindi wa mwalimu wa mwaka. 

 

“Sikuwahi kufikiria nitashinda kombe hili mara tatu,” Ronaldo alisema kufuatia kutawazwa kwake akiendelea hamu yake ya kulinyakua tena haija ishia hapo. 

 

“Natamani kuwa miongoni mwa wachezaji bora duniani wa enzi zote na hilo linahitaji bidii maridhawa,” Ronaldo aliyeshinda utukufu huo mwaka jana na 2008 aliendelea. 

 

Straika huyo nyota aliongoza Real kushinda taji la historia la 10 kwa kufuta rekodi ya Messi ya mabao 15 kwenye Ligi ya Mabingwa ndani ya musimu mmoja kwa kuzaba magoli 17 katika mechi 11. 

 

Orodha ya washindi wa 2014

Ballon d'Or: Cristiano Ronaldo (POR/Real Madrid) 

Mchezaji wa wanadada wa mwaka: Nadine Kessler (GER/Wolfsburg) 

Kocha wa wanaumme wa mwaka: Joachim Loew (GER/Allemagne) 

Kocha wa wanadada wa mwaka: Ralf Kellermann (GER/Wolfsburg) 

Taji la Puskas la bao bora zaidi: James Rodriguez (COL/Real Madrid) 

Wachezaji wa haki: Wahisani wa kujitolea katika Kombe la Dunia la Brazil 2014 

Zawadi ya rais: Hiroshi Kagawa (JPN), mwanahabari wa kandanda mkongwe zaidi (89) katika dimba la 2014 la Kombe la Dunia ambalo ni la kumi kuhudhuria kama mwandishi. 

Kikosi cha mwaka

Manuel Neuer (GER/Bayern Munich); Sergio Ramos (ESP/Real Madrid), Thiago Silva (BRA/Paris SG), David Luiz (BRA/Paris SG), Philipp Lahm (GER/Bayern Munich); Andrés Iniesta (ESP/Barcelona), Toni Kroos (GER/Real Madrid), Ángel Di Maria (ARG/Manchester United); Arjen Robben (NED/Bayern Munich), Lionel Messi (ARG/Barcelona), Cristiano Ronaldo (POR/Real Madrid)