MANCHESTER UNITED YAVUNJA REKODI YAKE YA USAJILI.

Kitendo cha klabu ya Manchester United's kukamilisha usajili wa mlinzi Marcos Rojo kutoka klabu ya Sporting Lisbon kwa ada ya uhamisho ya paundi milioni 16 kinaifanya klabu hiyo kufikisha kiasi cha paundi milioni 72 kwenye matumizi yake ya kujiwinda na msimu mpya wa 2014/2015 uliokwisha anza ambayo inakuwa ni rekodi mpya ya matumizi kuandikishwa na klabu hiyo.

Kuwasili kwa Muargentina huyo anayecheza nafasi ya ulinzi akitokea klabu  ya Sporting Lisbon ya huko nchini Ureno kunaambatana na kuwasili kwa watangulizi wake Ander Herrera kutoka Atletico Bilbao aliyesajiliwa kwa kitita cha paundi milioni 28.8 Luke Shaw kutoka pale utakatifuni Southampton aliyewaghalimu mashetani wekundu kao kiasi cha paundi milioni 27.

 

Hii inamaanisha kwamba United sasa wametumia kiasi kikubwa cha pesa kuliko kile walicho kitumia mnamo mwaka 2007, pale walipo wanunua Anderson, Nani na Owen Hargreaves, na kumnyakua kwa mkopo kutoka kwa wagonganyundo wa London Carlos Tevez na hivyo kufanya matumizi yao kufikia kiasi cha paundi milioni 62.

 

United pia imekwishatumia kiasi cha paundi milioni 195 kwenye misimu mitano ya usajili iliyopita na wamekwisha vunja rekodi zao za usajili ghali zaidi pale walipomsajili Juan Mata kotoka kwa matajiri wa Jiji la London Chelsea kwa ada ya uhamisho ya paundi milioni 37.1 mnamo mwezi wa January 2014.

 

Majira	Matumizi.(Paundi)	Manunuzi	Mkopo
Kiangazi 2014	72 millioni	Herrera, Shaw, Rojo
Kiangazi. 2007	62 millioni	Anderson, Hargreaves, Nani, Kuszczak	Carlos Tevez.
Kiangazi. 2011	53 millioni	De Gea, Jones, Young
Kiangazi. 2001	50 millioni	Veron, Van Nistelrooy, Carroll
Kiangazi. 2012	43 millioni	Van Persie, Kagawa, Powell, Henriquez
Kiangazi. 2004	40 millioni	Rooney, Heinze, Smith
Kipupwe. 2014	37 millioni	Mata
Kiangazi. 2008	37 millioni	Berbatov, Rafael, Fabio
Kiangazi.  2002	31 millioni	Ferdinand, Ricardo
Kiangazi. 1998	29 millioni	Yorke, Stam, Blomqvist
Kiangazi  2013	28 millioni	Fellaini
Kiangazi.  2010	26 millioni	Smalling, Hernandez, Bebe
Kiangazi.  2003	26 millioni	Ronaldo, Kleberson, Djemba-Djemba, Howard, Bellion
Kiangazi. 2009	24 millioni	Valencia, Diouf, Obertan
Kiangazi. 2006	18 millioni	Carrick