Louis van Gaal aanza kukusanya ndoo Man United.

Rooney akipiga free-kick  kuelekea lango la Liverpool faulo ambayo iligonga ukuta na kuokolewa.

Louis van Gaal ameanza rasmi kuirejeshea heshima klabu ya
Manchester United baada ya alfajiri ya leo kuwaongoza vyema mashetani hao wekundu kutwaa kikombe cha kimataifa cha maandalizi ya msimu huko nchini Marekani kijulikanacho kama Internationa champions kikombe ambacho kilikua kikihusisha timu kutoka mataifa mbali mbaliya barani Ulaya kilicho andaliwa na kampuni ya vinywaji ya Guinness .





LvG akiufuatilia mchezo kwa ukaribu na umakini mkubwa

Phil Jones aliyakaribisha majanga kwa Manchester United bara baada ya kumuangusha Raheem Sterling mapema kabisa na mwamuzi kuwazawadia mkwaju wa penati vijogoo wa Anfield.

Lilikua ni goli la kumi kwa nahodha wa Liverpool  Stephen  Gerrard katika michezo inayohusisha timu hizo akiandika rekodi mpya kabisa ya upachikaji wa mabao kwa timu hizo zinapokutana.






Gerrard akipiga ukwaju wa penati uliowapa Liverpool goli la kuongoza

Rooney alifanikiwa kuisawazishia Manchester United mapema kipindi cha pili kwa goli ambalo wachambuzi wa masuala ya kisoka wanaliona kana kwamba lina utata ndani yake kwani kabla ya mfungaji kuweka mpira kimiani mpira huo ulikua tayari ushagonga mtambaa panya kwa njea na kurejea uwanjani.




Hakika mpira kweli ulitoka nje kabla ya Rooney kuukwamisha wavuni

Hatimaye mwamuzi  wa mchezo aliliona kuwa ni goli halali na hivyo kufufua matumaini ya klabu ta Manchester United.Mwamuzi msaidizi alionekana kumuelekeaza mwamuzi wa kati lakini tayari wakati wachezaji wa Liverpool na mwamuzi msaidizi wakitoa maelekezo hayo mwamuzi alishakua ametoa maamuzi ya kulikubali goli hilo.


 Rooney akishangilia goli la kusawazisha
 
Inawezekana kwa mtazamo wa harakaharaka mtu asiuone umuhimu wa mashindano na mchezo huu kwa ujulmla lakini mambo ni tofauti kwa meneja mpya wa Manchester United Van Gaal ambaye jana aliishuhudia timu yake pale mjini Miami kwenye uwanja wa  Sun Life ikitoka nyuma na hatimaye kuibuka na ushindi mbele ya wapinzani wake wa jadi.

  
 Gerrard akipongezwa na Jordan Henderson (kulia) Lambert (kushoto) baada ya kufunga

 Hii inamaanisha kwamba United inarejea Nyumbani leo Jumaane asubuhi ikiwa haijafungwa hata mchezo mmoja katika ziara yao ya huko nchini marekani akiwa imecheza na moja kati ya timu bora duniani zikiwemo Real Madrid, Roma na Inter Milan.

 

Mmoja kati ya mashabiki wa United akifuatilia mchezo kwa umakini

Liverpool waliutawala mchezo zaidi ya asilimia sabini mpaka goli la kuongoza lilipopatikana lakini magoli mawili ndani ya dakika tatu kutoka kwa Wayne Rooney na Juan Mata kulibadili kabisa upepo wa mchezo huo kabla ya mchezaji wa akiba Jesse Lingard kuja kukata mzizi wa fitina kwa kupachika goli la tatu na la ushindi kwa United.

 
Bwana mdogo Lingard akikimbia kushangilia mara baada ya kuifungia United goli la tatu na laushindi.

 Pengine miongoni mwa kitu cha kuvutia zaidi kwenye mchezo huo ni kitendo cha bosi mpya wa United Luis Van Gaal kumkabidhi Rooney biji ya unahodha kwa mara ya kwanza tangu mholanzi huyo alipokabidhiwa mikoba ya kuwaonguza Mashetani wekundu hao.

Nahodha wa mchezo wa jana Rooney akiwa na Fletcher wakiwa wameiinua ndoo ya ubingwa

 

 Lakini pia kubadilishwa kwa mfumo wa uchezaji wa United kwenda 3-4-1-2  nako kuliongeza chachu na ladha kwa united kuvutia zaidi kuwatazama.

Injini mpya ya United Ander Herrera ikimiliki mpira mbele ya Jordan Henderson (kulia) na Lambert (kushoto)

 

 Timu zikikaguliwa na kuwasalimia mashabiki

 

 Liverpool wanaweza kujiona ni kama vili ni wenye kukosa bahati kwani licha ya kufungwa katika mchezo huo wa fainali lakini wameonesha kiwango kikubwa sana ambacho kiliwafanya United kupelekwa puta muda wute wa mchezo.

 

 

Timu zikiingia uwanjani

Macho na masikio kwa wapenzi wa soka mahala pote ulimwenguni ni kwenye ligi kuu ya huko Nchini Uingereza sasa mara baada ya maandalizi ya kabla ya msimu ya vilabu kadhaa kuwa yamekwisha kamilika lakini pia matumizi makubwa ya pesa ya vilabu hivi vya nchini Uingereza kujikusanyia mastar kibao kwa minaajili ya nkuimarisha vikosi vyao tayari kwa mashindani mbali mbali.

 

 Licha ya kuwa na mvua lakini hivi ndivo ilivyokua nje ya uwanja wa Sun Life mjini Miami kabla ya mchezo