Mkufunzi mpya wa klabu ya Manchester United Jose Mourinho ametoa agizo kwa mabosi wa klabu ya Manchester United kuziondoa kamera zote zilizowekwa kwenye uwanja wa mazoezi wa timu hiyo AON Complex.
Akizungumza mbele ya waandishi wa habari kosha huyo mwenye maneno na majivuno mengi amesema ana sababu kubwa mbili zinazompelekea yeye kutoa magizo hayo ya kuondolewa ka kamera hizo zilizowekwa na mtangulizi wake mholanzi Luis van Gaal.
"Sababu ya kwanza inayonifanya niamue kuziondoa kamera hizo ni kwamba binafsi ninaona ndizo zinazoweza kutumiwa na wapinzani wetu kutufanyia uchunguzi tunapokua mazoezini kujiandaa na michezo mbalimbali haswa unapofikia wakati wa kujifunza mbinu mbalimbali ambazo tutazitumia katika kuwaangamiza wapinzani wetu."
"Lakini sababu ya pili na ambayo ni yamsingi sana ni kuwa siwezi kutumia kamera kutolea maelekezo au ufafanuzi wa jambo ambalo mimi binafsi ninaweza kuliona kwa macho yangu, kwenye eneo ambalo nami pia nipo na ndio sehemu ya kazi yangu mimi pamoja na wakufunzi wenzangu tunaounda bechi letu la ufundi."
Post a Comment